El pasáu 20 d'Avientu tornamos del Intercambio cola escuela de música tradicional Rebulir en Ramilás.
Los de Rebulir son xente mozo con ganes de trabayar y que faen una gran llabor na so comunidade.
Dempués del recibimientu y acomadaos nel alberge fiximos un ensayu y participamos nel IV Festival de Baile e Música Tradicional conxuntamente colos anfiriones y el grupu folklorico da Casa do Povo Cacia de Portugal, Castellanos de Olid y Lembranza-Solpor de Celanova, dempues de la cena todos xuntos los de Rebulir prepararon una festa nel pub “Onde Queiras” con queimada incluida y dende lluegu cola sidra que nos portamos d'Asturies. Con escenariu llibre castellanos, gallegos y asturianos mecigayamonos baillando un salton equi una xota alla o una muñeira per l'otru llau, foi una sesión de lo meyor col llocal fasta la bandera.
Al díi siguiente fiximos una visita a Ourense comu muestra la semeya na Fonte termal das Burgas cola xente de Castiella.
Gracies a la xente de rebulir polo bien que lo fixeron, y por toles atenciones que mos prestaron, solo esperamos que la so estancia en Llangréu sea igual d'especial.
Sábadu 12 d’avientu a les 20:15 hores. Preciu: 7 €. Nuevu Teatru La Felguera
Componentes: Xuacu Amieva (gaita, flauta y voz), Paula Alonso (violín), Emilio Fidalgo (guitarra), Luis Rodríguez (baxu), Rubén “Mol”Rodríguez (batería) + Artistes convidaos: Daniel Pando (trompa) y la Banda Gaites Naranco
El Nuevu Teatru La Felguera va acoyer, mañana sábadu 12 d’avientu, un conciertu del músicu asturianu Xuacu Amieva. Amás de pol so grupu (Paula Alonso al violín, Emilio Hidalgo a la guitarra, Luis Rodríguez al baxu y Rubén “Mol” Rodríguez a la batería) Xuacu Amieva va tar tamién acompangáu de dellos artistas convidaos como Daniel Pando a la trompa y la Banda Gaites Naranco.
XUACU AMIEVA ye una de les figures más reconocies del panorama de la música tradicional asturiana. La so llarga carrera como gaiteru, maestru de gaiteros y multiinstrumentista en delles formaciones folk, dio-y un gran prestixu dientro y fuera d´Asturies. Nel so repertoriu alcuentrase una amplia esbilla de cantares y sones de la tradición asturiana, non solo del repertoriu de gaita, sinon tamién de bandurria asturiana, zanfona, flauta o canciu.
Xuacu Amieva ye cofundador de los grupos folk Beleño (1983) y Ubiña (1985), del que formó parte hasta la so disolución en 1989. Con estos grupos y como solista tien participao en munchos festivales y alcuentros de música tradicional, tanto n´Asturies como nel restu España y Europa. Primero en solitariu y, dende 1990, col grupu folk que lleva’l so nome tien grabaos 11 discos: Método de gaita, Onde l´agua ñaz, Ubiña (col grupu Ubiña), Xostrando, Las cornamusas de Europa (con dellos artistes.), Lluna caldeá, La gaita asturiana, El Besu nel discu Santiago del grupu The Chieftains, Tiempo de Mitos, Al son del fueu, y 6.
Ente los premios llograos por esti gran músicu cabe la pena destacar: 1986 Troféu Macallan del Festival Intercélticu de Lorient, 1988 “Urogallo” del Centru Asturianu de Madrid, 1990 Dos Ventolines (Unu como meyor multiinstrumentista y otru como músicu con raíces n´Asturies), 1997 Grammy pol tema El Besu nel discu Santiago del grupu irlandés The Chieftains, 2006 Premiu honoríficu AMAS. El sábadu 12 d’avientu vamos poder disfrutar del potente directu d’esti gran músicu y la so banda, el conciertu va ponese nel Nuevu Teatru La Felguera y la hora empiezu ye la de les 20:15 hores.
Ser gaiteru ye más que facer sonar la gaita. Facer l'Alborada, l'acompañamientu de cabezudos, d'autoridaes o de mayordomos y/o ramu, tocar la misa con toles partes de música y la procesión, acompangar al baille o a la tonada son varios de los trabayos del gaiteru.
Tener oficiu, ser un bon oficial y entamar dende'l grau d'aprendiz son coses qu'alguañu non tienen valor nin se consideren d'importancia, pero Valentín Fuente ye un d'esos gaiteros que conserven les formes tradicionales desempeñando el so trabayu comu gaiteru igual que lo fixeron anteriores xeneraciones del gremiu respetando y valorando'l legáu de los gaiteros de vieya escuela.
N'esta ocasión Valentin quier compartir con nós lo aprendio na so llarga trayeutoria con una charra-alderique que nós titulamos como "L' oficu gaiteru", y que de xuru sedrá muy productiva pa tolo/es gaiteros/es que s'animen asistir.
Cellebrarase na Casa los Aberi, Ciañu-Llangréu el xueves 19 d'Avientu de 2009 a les 19:30h. y la entrá ye de baldre.
El festival cellebrarase el 19 d'Avientu de 2009 y además Rebulir y la nuesa escuela participarán también el grupu folklorico da Casa do Povo Cacia de Portugal, Castellanos de Olid y Lembranza-Solpor de Celanova.
Nos na ocasión faeremos una muestra de les distintes asignatures de la escuela cola participación de los alumnos y profesores.
La escuela de Folklore del Consorcio de Fomento Musical de Zamora cellebra en breve el so conciertu d'apertura. En el curso anterior varios profesores de nuestra escuela participaron nel conciertu del que traxeron muy bones sensaciones.
La escuela de Folklore del CFM ye una escuela viva qu'aglutina práuticamente la totalidad d'alumnau pa música tradicional de Zamora, además publica trabayos de investigación y participa na renovacion de les tradiciones de la zona, manteniendo un contáutu activu y direutu cola comunidá. Ye sin duda un claru referente de l'eseñanza de la música tradicional n'España.
Dende la nuesa escuela felicitaciones pa col trabayu de los grandes profesores y profesionales que tien el CFMZ y bon entamu pa col conciertu d'apertura
Esta madrugada dexonos ún de los grandes de la vieya escuela. Mañana díi 7 a las 16,00h en San Roque L'Acebal sedrá enterráu'l gaiteru San Roque, con el una parte de la nuesa cultura popular E.P.D.
HOMENAXE DE LA MÚSICA ASTURIANA A TOMÁS DE LA GÜERIA (1923-2008)
Presentación del CD doble col so repertoriu de curdión de botonera editáu pol Muséu del Pueblu d’Asturies
Domingu, 4 d’ochobre de 2009 19 h. Auditoriu de la Casa Cultura de Mieres del Camín
Participación de músicos de TEJEDOR, FELPEYU, TUENDA. LA BANDINA, ANABEL SANTIAGO, LA CURUXA, HERBAMORA, GATOS DEL FORNU, VERDASCA, PATRIBAND FOLK ORL.LESTRA
Les ciudaes d' Uvieu, Xixón y Avilés cellebren el 3 d'Ochobre por primera vez la "Noche Blanca", ún de les iniciativas programaes pel Gobiernu del Principau d'Asturies p'algamar la candidatura a la "Capital Cultural Europea 2016".
Ente la bayura d'actividaes propuestes ún ye l'apertura del Museu de Bellas Artes d'Asturies acompangando les sales con propuestes de música y danza rellacionaes colos temes de les galeries.
Parti del ensame de musica tradicional de profesores de la nuesa escuela participará n'apertura del museu faciendo una propuesta de reellaboración de música popular nel palacio central de la segunda planta onde s'acueye una seleución de la obra de los más cellebres y populares pintores asturianos: Evaristo Valle y Nicanor Piñole.
Formarán l'ensame; Héctor Braga (voz, zanfoña, bandurria, gaita y vigulin), Pepín de Muñalén (flauta travesera), Chus Solís (gaita, curdión y percusiones) y Alberto Ablanedo (Guitarra y bouzouki) l'horariu ye de 22h fasta les 02:00h.
Esti sábadu díi 3 d'Ochobre Entamen les Clases na Escuela de Músicia Tradicional "LLANGREU".
Esta ye la ufierta pa esti cursu:
INSTRUMENTALES: Tambor Asturiano - con Chema Fombona. Baille Tradicional Asturiano - con Sergio Velasco. Gaita Asturiana - con Chus Solís. Guitarra Folk - con Alberto Ablanedo. Bouzouki - con Alberto Ablanedo. Flauta Travesera de Maera - con Pepín de Muñalén. Acordeón de botones - con Xose R. Navia. Tonada Asturiana - con Anabel Santiago. Zanfoña - con Héctor Braga Bandurria y Cantares - con Héctor Braga.
COMUNES: Llinguaxe Musical - con Héctor Braga. Folklore - con Héctor Braga.
OTRES: Monólogu Asturianu - con Carlos Alba "Cellero". Averamientu activu a la cultura asturiana - con Carlos Suari (pa neños dende 3 años). Xuegos y deporte tradicional pa neños y neñes - con Carlos Suari. Xuegos y deporte tradicional p'adultos - con Carlos Suari. Mantenimientu de la Gaita - con Pelayo Fernández.
GRUPALES: Gaita y tambor. Gaita y tonada. Gaita tambor y baille. Orquestina Tradicional. Banda Gaites. Grupu Folk
Pa pidir información o p'apuntase a ún cursu: Tlfnu.985 67 71 13
Dende fai tiempu recibimos munches solicitues de padres de neños d'ente 3 y 6 anos p'apuntase a los cursos de gaita, zanfona, asturianá, etc, el casu ye qu'estes discipilines tornense muy dificiles pa neños tan pequeños. Agora gracies a Carlos Suari, que foi quien preparo el programa, podemos ufiertar una especialidá pensá exclusivamente pa los más pequeños.
El cursu d'averamientu activu a la cultura asturianaempobínase a neñes y neños pequeños que quieran dir conociendo poco a poco los elementos fundamentales de la nuesa tradición d'una forma activa. El cursu, que pretende ser una ponte colos demás cursos de la escuela, ye un sumatoriu de talleres selmanales mui divertíos onde vamos dir enseñando los aspectos más xenerales del xuegu, la llingua, la indumentaria, los oficios, la música... too ello en clave infantil. Amás, los participantes van tener la oportunidá de visitar los cursos de "los mayores", pa d'esa manera, familiarizase con tolo que'l día de mañana pueden llegar a deprender. (1,5 h. / selmana).
Si quies apuntate a les clases con Carlos fae la to inscripción nel 985 67 71 13
El xuegu ye ún de les formes de rellación social y transmisión de cultura tradicional que denden bién neños se pue entamar.
Nel nuesu tiempu, nel que cada vez ye más difícil ver neños/es xugando pela cai o práuticando deportes que nun ten complementáos con un parque un cacharru ellectrónicu u otros artilugios , paeznos importantisima la recuperación d'aquellas actividaes lúdiques que compartíen les comunidades de xeneraciones anteriores y que tantu servíen pa les reellaciones sociales y pa caltener la cultura y saber tradional de los nueso.
Por todo esto n'esti cursu 09/10 facemos apuesta polos xuegos y deportes tradicionales con un ufierta tanto pa neños/es como p'adultos.
Carlos Suari ye ún de les persones más capacitaes y formaes na materia y la persona adecuá pa llevar a cabo esta propuesta.
Les actividaes:
-El cursu de xuegos tradicionales p’adultos empobínase a una población variao que, como base, presenta bona gana de pasalo bien y reflexonar sobre la importancia de lo lúdico nel nuesu patrimoniu cultural. Por eso, toa persona con interés na tradición asturiana va tener la oportunidá de recibir otru puntu de vista sobre una estaya davezu escaecida y maltratada. Amás, perfiles profesionales como’l d’animador/a sociocultural, monitor/a de tiempu llibre, maestra/u o profesor/a, van sacar bon rendimientu d’esti cursu que tamién va tratar del significáu y la bayura lúdica asturiana, del so orixe y la so posible aplicación na sociedá actual. (2 h. / selmana)
-El cursu de xuegos tradicionales pa neños/es tien como oxetivu la recuperación d’estes manifestaciones lúdiques pa la vida y el desarrollu de la xente más mozo. Pieces bien estremaes de la nuesa tradición xugada van tar presentes nesti cursu que de la que colabora nel deprendimientu motor de les y los guah.es, esconsona’l so interés pol conocimientu y el dominiu d’estos xuegos, abriendo un camín d’autoestima pa cola cultura asturiana, pal diálogu interxeneracional sobre los nuesos raigaños. Too ello pasándolo mui bien y sudando un poco la camiseta. (1,5 h / selmana).
El profesor:
Carlos Suari llicencióse en ciencies de l’actividá física y del deporte en 2006 y continuó la so formación universitaria en ciencies de la educación y n’antropoloxía social y cultural. Perteneció a la primer y única xeneración de monitores y árbitros de deportes tradicionales na correspondiente federación onde tamién exerció como docente. Autor y coautor de dellos llibros y artículos nesta materia, participa de contino n’actividaes d’investigación, formación y divulgación del xuegu tradicional. Dientro de la RTPA dirixe dos programes selmanales nos que la motricidá tradicional ye prioridá.: ¡Acuto! y A galmiaes. Si quies apuntate a les clases con Carlos fae la to inscripción nel 985 67 71 13
Nuevu profesor pal Baille Tradicional Asturianu, en collaboración cola EMDT de Noreña.
L'Actividad:
El cursu de baille tradicional tien como finalidá l'averamientu a los bailles y dances tradicionales d'Asturies, la parte del folclor musical que tien como preséu de trabayu el propiu cuerpu. Trabayaráse la motricidá, el ritmu y conoceránse los distintos tipos d'espresión coreográfica que se dan a lo llargo de la xeografía asturiana.
El Profesor:
Sergio Velasco Granda (Uviéu, 1981) pertenez dende 1999 a l’asociación folclórica La Hedra, de San Esteban de les Cruces (Uviéu) y dende’l 2000 al colectivu d’investigación y divulgación del folclor asturianu L’Andecha Folclor d’Uviéu, del que ye director d’ensayos dende 2008. Tien el grau elemental na especialidá de baille tradicional de la escuela municipal de música y danza tradicional "Manolo Quirós" d'Uviéu (2004-2008). Punxo clas de baille tradicional nos cursos especiales de branu qu’entamó la banda gaites “Villa de Xixón” en 2005 y 2007 . Ye tamién autor del blog El traxe d’aldeana, dedicáu a la Historia de los traxes tradicionales y populares nel Oriente d’Asturies.
Si quies apuntate a les clases de Baille con Sergio Velasco contáuta con nos nel:
CURSU MONÓLOGU ASTURIANU Dende Ochobre de 2009 a Xuno de 2010 Con Carlos Alba "Cellero" 2 Hores selmanales - 50 euros/mes.
El cursu de monólogu asturianu va empobinau a tolos aficionaos a esti xéneru cómicu asturianu. Nun ye necesaria esperiencia previa p´apuntase.
Trabayarase la espresión corporal y la creación de personaxes con téuniques teatrales. Apostarase tamién por animar a la escritura de testos. Y, sobre too, vais pasalo bien.
Profesor: Carlos Alba "Cellero". Actor y monologuista. Combina la recuperación de la tradición con la escritura de monólogos sobre temes d´actualidá. Tien publicau el llibru "Del chigre".
Pues apuntase a les clases de Monólogu dende el 985 67 71 13
Dempués de les vacaciones de branu tamos ya dende fai unos diis trabayando na programación del cursu 09-10.
Como novedaes más destacables tenemos una nueva especialida qu'aunque ta más rellacioná cola escena que colo musical, pensamos ye interesante por tar rellacioná cola canción narrativa y la llingua asturiana y sobre todo por non existir n'Asturies nengún sitiu onde se imparta. Les clases con Carlos Alba popular pol so personaxe de "Cellero" ta claro ya que tan dedicaes a los MONOLOGOS.
Per otru lláu tenemos nuevu profesor pal BAILLE ASTURIANO, Sergio Velasco de la Andecha Folclor d'Uvieu al que tamos ya agradecios poles ganes con que garra esta tarea, na que de xuru tendrá bonos resultaos. Otra novedad ye l'ampliación d'horarios al Centru de la Cultura Asturiana en Llángreu "Casa de los Alberti" na qu'estableceremos parte de les nueses actividaes rellacionaes cola llingua asturiana como la nueva de Monologistas con Carlos Alba o la de Tonada con Anabel Santiago. Dende equi gracies fonderes a l'Ayuntamientu de Llangréu y a los reponsables del Centru pola so collaboración.
A lo llargo d'esta selmana espublizaremos más información de la ufieta pa esti cursu, de toes esti sábadu saldrá na Nueva España, edición de les Cuenques, tola información.
De momentu cualesquier consulta o reserva ya se puede tramitar dende'l 985 67 71 13.
Gracies a Jose "Texois" que foi quien grabo'l conciertu fin de cursu y punsiolo nel youtube. El conciertu foi na Casa los Alberti, Centru de Cultura Asturiana de Llangreu, el 24 Xuno de 2009.
O xoves 25 de xuño, ás 19:00 horas, preséntase no Auditorio da e-Trad a publicación O BERCE DAS PALLETAS: Método de construción de palletas e pallóns.
Este traballo, con textos e ilustracións de Xoán Ramón Marín, enmárcase dentro da liña de difusión e posta en valor da tradición cultural galega na que traballa a Asociación de Gaiteiros Galegos. A dito acto asistirán Xoán Ramón Marín, autor do traballo e membro da Xunta Directiva da AGG; Cándido Meixide, en representación da distribuidora Arnoia; e representantes da Asociación de Gaiteiros Galegos, para falar do traballo e contestar ás preguntas dos asistentes.
Gracies a los collacios de la "Segundo Olaeta" de Gernika pola foma na que nos trataron, foi un de los intercambios más prestosos que fiximos y del que de xuru guardemos un gratu recuerdu de por vida.
Ún de les coses que mas nos presto foi la fiesta fin de cursu que la "Segundo Olaeta" tenía preparado pa los sos alumnos que foron pasando dende les 17h. fasta les 24h. y ye que ye d'impresión la cantidá d'especialidaes que ufierta la so escuela y la cantidá d'alumnos que les estudien, unos 500 más menos.
Banda de música, banda de Txitulari con escolinos, combos de musica tradicional, folk, rock,cuerda, clásica, etc.... una autentica pasada, foi d'impresión. Dempues los más pequenos de la escuela desfrutaron d'atracciones y fasta d'una fiesta de la espuma. Nós actuamos cola bandina primero de los combos de Rock.
Dempués de los conciertos y la cena visitamos un edificiu ocupáu po'l movimientu de centros sociales u okupa "Gaztetxe", esti movimientu que ya entamara nos años 80 anició'n Gernika na antigua fabrica d'armas pasando más tarde a les escueles publiques, anguañu el movimientu "Gaztetxe" tien un entendimientu col Ayuntamientu qu'además de cedeyos les instalaciones pagen-yos la lluz y l'agua. El trabayu desarroyáu polos Gaztetxe ye impresionante, tienen bar, escenariu pa conciertos, talleres de tou tipu, emisora de radio, albergue, etc... y lo más impresionante ye que ta tou autoxestionáu per ellos mesmos sin ningún otru tipu d'ayuada o sofitu más que lo citáu anteriormente. Queda claro qu'esti movimientu ta vivo en Gernika y que la so mocedá ta comprometía a trabayar pela so cultura sin falta de subvenciones de les administraciones o contrapartides municipales.
Eso foi lo acontecíu de vienres, el sabadu na mañana ofrecimos una charla-aderique sobre la música e instrumentos musicales d'Asturies por Pepín de Muñalen y Chus Solís que tamién dexaron a los de Gernika facer los sos pinitos coles gaites y les flautes, dempués nel medioudíi fiximos xuntos una Kalejira onde alternamos la banda gaites de la escuela cola fanfarria de la sulla. Percorrimos Gernika de chigre en chigre de plaza en plaza actuando unos primero otros dempués, tomando un culin equí otru allá aunque nel tema la sidra si echamos de menos non tar n'Asturies (todo hay que decilo). Ya na tardi vitamos el Museu de la Paz inspiráu nel bombardeu de Gernika, ún de les coses que más nos impresionó foi una estancia "La casa de Begoña" que reproducia una habitación nos años 30, n'ella una muyer falaba de lo que trabayaría nel díi de güey, de les coses de la vida y de pronto'l bombardeo y unu mesmo (el visitante) apaez cubiertu d'escombros, puese escucar un poucu navisita virtual que ufriez el muséu pero dende lluegu lo meyor ye visitalo.
Ya na "Segundo Olaeta" les últimes impresiones n'antes de colar, Pepín fexu de les suyes cola Alboka y dexaronnos impresionaos cola téunica de la Trikititxa, abrazos, despedies y ganes de repetir.
Gracies fonderes a la direutora de la "Segundo Olaeta" Itxaso Aranda qu'en tou momento nos atendio y acompaño y especialmente a Ana Abio y Maiteder Olano que son les persones que más fixeron per estos intercambios.
AGUR, y fasta sempre.
La bandina nel concietu fin de cursu
Toes les semeyes del viaxe nel espaciu de flickr de Lujo4131
Güei na Casa de los Alberti fecha Centru de cultura asturiana en Llangréu, sedrá l'escenariu del conciertu fin de cursu de la escuela.
Nel conciertu intervendrán los alumnos de la escuela y los sos profesores:
Anabel Santiago Tonada
Chus Solís Gaita
Héctor Braga Bandurria y zanfoña
Pepín de Muñalen Flauta
Chema Fombona Tambor
Alberto Ablanedo Bouzouki
Xoxe Navia Curdión
L'actu entamará a eso de les 19h. dempués del conciertu ofreceremos un pequeñu pincheu a los presentes. Previu al conciertu, a eso de les 18:30h fadremos una visita a la exposicion que sobre indumentaria tradicional tien fexo l'Agrupación Reija y a la de curdiones de botonera que ta de forma intinerante.
Foguera de San Xuan 2009 Noreña nel Parque los Riegos
19h.Pasucais, con pareyes de gaiteros y cabezudos.
19h. Xuegos tradicionales pa neños dende 6 años con monitores de l'Asociación “Espora” Entamaranse partíes de:
tiru al palu llanzamientu de barra liriu carrera de panolles y llecheres pasabolu y otros xuegos de siempre... (sorpresa) Tolos neños/es participantes recibirán un revoltixu de llambionaes.
20h. Festival de Canción Asturiana con los alumnos de la escuela de música tradicional de Noreña.
21h. Atracciones infantiles gratuites Xardín de boles y Castiellu Hinchable, dende 3 años.
21h.Actuación Orquesta Kristal con Tino Fombona.1er. Pase
22h. Actuación del conxuntu musical“Ensame Folk “ con Anabel Santiago, Héctor Braga, Pepín de Muñalén, Alberto Ablanedo, Chus Solís y Chema Fombona.
24h.Encendíu la foguera Traca y entamu de la Danza de San Xuan. 24:30h.Actuación Orquesta Kristal con Tino Fombona.2º y 3er. pase.
En casu lluvia traslladaranse les actividaes al patiu del Colexu “Villa Condal”
El 19 y 20 de Xuno dientro del intercambiu cultural cola Segundo Olaeta Musiko Eskola los profesores y alumnos de la EMT Llangréu viaxaremos a Gernika, donde participaremos nel so conciertu fin de cursu.
Esti sábadu día 13 de Xuno piesllense les I Xornaes de Música na Cai "Noreña pola Música d'Asturies" pa finar tendrá llugar una amuesa de Flauta Travesera:
La flauta travesera n'Asturies
10:30h. Alborada: Pareyes de tambor y gaita percorrerán la Villa
13:30h. Nel Quioscu la Música; “Amuesa de flauteros asturianos” Actúen:
Diego Pangua
Pepín de Muñalen
Cola collaboración especial de: Albertoedo (bouzouki)
Pal 13 de Xuno tamos preparanado un charla-aderique sobre l'Asturianada, esto ye un complementu pa l'asignatura de tonada y pal taller d'acompañamientu de tonadaa, pero ye per interesante pa toles persones que quieran conocer meyor esti xéneru asturianu.
Ismael Arias Ye escritor y productor musical. Tien escritos dellos articulos dedicados a la Asturianada y a los cantadores de la mesma ademas d'un llibru espublizáu nel 1998 "L'Asturianada" ". Otros trabayos sobre la música d'Asturies d'Ismael son: Les Cuarenta Principales (Cancioneru de Mieres) (2000 y 2001, 2ª ed) Cantares de Llanes (2003) Cronoloxía de la música asturiana (2004)
Anguañu tien tamién un programa na RPA "Música, músiques" dedicáu a la tonada .
100 Años d'Asturianada... y alguno más de Tonada Por Ismael Arias
13 de Xuno de 2009 nel Conservatoriu Profesional de música "Valle del Nalón" 12h.
ENTRADA LLIBRE
Transitu del seglu XIX al XX. Exemplos de tonada y asturianada. Influencia del nacionalismu musical. Grandes voces del seglu XX El porqué de que la tonada siga teniendo futuru.
Imparte- Tambor asturinau. Noreñense, popular bateria de "Los Berrones". ye tituláu superior de percusión y pedagogía musical pol conservatoriu de Hannover n'Alemania. Alguañu ye profesor de grau elemental y mediu de percusión nel Conservatoriu de Xixón.
Sergio Velasco
pertenez dende 1999 a l’asociación folclórica La Hedra, de San Esteban de les Cruces (Uviéu) y dende’l 2000 al colectivu d’investigación y divulgación del folclor asturianu L’Andecha Folclor d’Uviéu, del que ye director d’ensayos dende 2008. Tien el grau elemental na especialidá de baille tradicional de la escuela municipal de música y danza tradicional "Manolo Quirós" d'Uviéu (2004-2008). Punxo clas de baille tradicional nos cursos especiales de branu qu’entamó la banda gaites “Villa de Xixón” en 2005 y 2007 . Ye tamién autor del blog El traxe d’aldeana, dedicáu a la Historia de los traxes tradicionales y populares nel Oriente d’Asturies
Chus Solís
Imparte Gaita asturiana. Noreñense, estudió gaita con Vicente Prado "El Pravianu", la so formación musical recibiola na Academia y Banda de música de Noreña cola especialidá de percusión. Actualmete ye direutor y profesor de gaita na nuesa escuela y na EMDT de Noreña, llabor que compaxina col oficu d'artesanu gaitero nel so taller de la Felguera.
Pelayo Fernández
Imparte, mecánica y mantenimiento de la gaita, natural de Mieres foi miembro-direutor de la banda gaites Mieres del Camín, participó en dellos festivales como Lorient, ye Ingeniero Industrial dedicando el so trabayu de fin de carrera a la so pasión, la gaita.
Elías García
Imparte- Guitarra, Bouzouki y Combo Folk; Elias Garcia ye miembru fundador de "Llan de Cubel" ún de lo grupos de referencia de la música folk n'Asturies y aún n'activu. Entamó na música cola gaita y la xiblata. Na década de los 90 convirtiéndose n'ún de los vigulineros que fixeron resurdir la técnica d'esti instrumentu n'Asturies. Elias collaboró y collabora con práuticamente tolos grupos de la escena folk y ye el primeru introduciendo n'Asturies la guitarra col sestema abiertu pal folk y el bouzoki . Además del discu nuevu qu'alguañu prepara con "Llan de Cubel" ye miembru de "Tuenda" con Pepín de Muñalen y Xosé Antón "Ambas" y participa de seguio nel programa de la TPA "Camín de Cantares" conducíu por esti últimu.
Pepín de Muñalen
Imparte flauta Travesera; Miembru de los grupos " La bandina' l Tombo" y "Tuenda" participa'n multitud de collaboraciones con otres formaciones y medios, destacando les que fae pa'l programa de la TPA "Camín de Cantares"
Xose R. Navia
Imparte-acordeón de botones; Natural de Siero, Xose R. Navia ye direutor del ensame de música Astur "Lus Yerbatos", el coro "La pangorga" y profesor de l'escuela de musica tradicional en Bimenes. También imparte clases na escuela de Música Tradicional de Noreña.
Anabel Santiago
Imparte - Tonada; Anabel Santiago ye un de los nomes más conocios na Canción Asturiana, especialmente na "Toná". Tien el so propio grupo, onde fusiona l'Asturianà colos mas variaos estilos. Diplomada'n maxisteriu por música imparte clases también na Escuela de Musica Municipal de Cangas de Onis y na EMDT de Noreña. Alguañu ye también profesora tirular na Escuela Municipal de Música d'Uvieu.
Héctor Braga
Imparte - Gaita, Zanfoña, Bandurria y Combo de Bandina. Llangreanu, ye titulau de grado superior de Cello, tien editaos dos trabayos discograficos sobre la música tradicional "Encoplando" y "Trd.ye". Alguañu fina la so Llicenciatura Superior de Etnomusicología.
Xornada d' estudiu de la música tradicional nel País Vasco
Taller "Aniciu Xipla"
Taller "Mantenimientu del Tambor"
Taller "Mecánica gaita"
Taller "Afinación de la Gaita"
Taller "Pandereta Gallega"
Taller "Xipla Jambrina"
Taller "Ornamentación gaita"
Taller "Instrumentos Zamoranos"
Taller "Acompañamiento a la Canción Asturiana"
Taller "acompañamientu Toná"
Visita de Toni "Caborana"
Taller "Aplicaciones en bateria"
Taller "La Gaita Gallega"
Taller "Timbal con Floritures"
Visita Museu de la Gaita
Taller "Tamboriteros clásicos de Asturies"
Taller "Pandereteres"
Taller "Investigaciones de campo"
Visita de Alberto Fernández
Taller de Mantenimientu del Tambor
Taller de técnica vocal.
Grupu d' Estudios Etnográficos
Este proyecto trata de formar un colectivo de alumnos, profesores y simpatizantes de la Escuela de Música Tradicional Llangreu para la recogida y trabajo de campo en la zona de las Cuencas Mineras.
La primera piedra para esta creación la aporto Xose Antón “Ambas” cediéndonos las 10 primeras grabaciones sonoras recogidas de su mano a Rosario panderetera de 101 de Cuturrasu-Langreo y llevándonos a realizar las practicas del taller “Investigaciones de Campu (método de trabayu)” en una visita a Honorino gaitero de 87 años bien conocido en la zona de las Cuencas y aportando así el segundo trabajo de campo al archivo.
El primer proyecto del G.E.E. LLANGREU es un trabajo de recogida sobre los gaiteros, parejas de gaita y tambor y constructores de instrumentos en la zona de las cuencas mineras.
Para unirse a este grupo de trabajo o aportarnos información ponte en contacto con nosotros en: llangreumusicatradicional@hotmail.com o nel 985 67 71 13
Xose Antón “Ambás” foi' l que mos dio les primeres 10 grabaciones feches por él mesmu a Rosario, panderetera de 101 años de Cuturrasu-Llangréu; y tamién mos fizo, dientro de les práutiques del taller “Investigaciones de Campu”, el primer trabayu de campu dedicáu a Onorino, gaiteru de 87 años bien conocíu na Cuenca; gracies fonderes.
El pasáu 20 d'Avientu tornamos del Intercambio cola escuela de música tradicional Rebulir en Ramilás.
.jpg)
.jpg)
.jpg)
.jpg)
.jpg)
.jpg)
.jpg)
.jpg)
